ഏദെൻ തോട്ടത്തിന്റെ വടക്കേ മൂലയ്ക്ക് എനിക്കൊരു ഹവ്വായുണ്ടെന്ന് പറഞ്ഞവനേ...

എനിക്ക് വേണ്ടി
കറുത്ത കുപ്പായങ്ങൾ തുന്നിയവനേ,
ഒഴിഞ്ഞ തോൽക്കുടങ്ങളിൽ 
എന്നെയുരുക്കി നിറച്ചവനേ 
"ഏദെൻ തോട്ടത്തിന്റെ വടക്കേ മൂലയ്ക്ക് 
എനിക്കൊരു ഹവ്വായുണ്ടെന്ന്" പറഞ്ഞവനേ 
പറുദീസാ പോലൊരു അടുക്കളത്തോട്ടത്തിൽ 
മള്ബറിയുടെ വീഞ്ഞുമായി 
സർപ്പം നിന്നെ കാത്തിരിക്കുമ്പോൾ 
കാറും കോളുമുണ്ടാവും 
എന്ന് കാലാവസ്ഥാ ഗവേഷകർ പറയുന്ന കടലുകളിൽ 
നമുക്ക് വള്ളങ്ങളുണ്ടാക്കാം. 
ഒരു തിര പോലും താങ്ങാനാവാതെ 
കടലിന്റെ ആഴങ്ങളിൽ മെല്ലെയില്ലാതാവുമ്പോൾ 
മുങ്ങി മറന്ന കപ്പലുകളിലൊന്നിൽ 
ഞാൻ നിനക്കൊരു പറുദീസാ കാട്ടി തരും.
ചെകിളകൾ മുളച്ചു മത്സ്യമായി രൂപാന്തരപ്പെടുന്ന ആ നേരം 
മീനുകൾ ചുംബിക്കുന്നതെങ്ങനെ എന്ന് 
ആദ്യമായി നമ്മളറിയും..

ചുംബനങ്ങൾ ...

Comments

Post a Comment

Popular posts from this blog

തലക്കെട്ടുകളിൽ പെട്ടുപോകുന്ന സ്ത്രീകൾ

"അമ്മയുടെ അവിഹിതം മകളുടെ ജീവിതം തകർക്കുമ്പോൾ " കൃത്യമായി ഇതായിരുന്നോ അവർ പറഞ്ഞ തലവാചകം എന്ന് ഓർമ്മയില്ല. പക്ഷെ കാര്യം ഇത് തന്നെ ആയിരുന്നു .  അമ്മയുടെ കാമുകൻ മകളെ ലൈംഗികമായി പീഡിപ്പിച്ചു എന്നതാണ് കേസ്. എന്നാൽ ഈ തലവാചകത്തിലെ പ്രതിയും കുറ്റക്കാരിയും അമ്മയാണ്. എത്രയെളുപ്പമാണ് കുറ്റം ആരുടെ മേൽ ചാർത്തണമെന്നു മീഡിയയും സമൂഹവും തീരുമാനിക്കുന്നത് .    പീഡിപ്പിച്ച പുരുഷനെക്കുറിച്ച്‌ ഈ വാർത്തയുടെ തലവാചകത്തിൽ ഒന്നും തന്നെ സൂചിപ്പിക്കുന്നില്ല. ഇവിടെ കുറ്റക്കാരി അമ്മയാണെന്നതാണ് വാർത്തയുടെ തലക്കെട്ട് നൽകുന്ന സൂചന .  അമ്മയുടെ അവിഹിതമാണ് ആ മകളുടെ ജീവിതം തകർത്തത് .  അമ്മയ്ക്കുണ്ടായ ബന്ധമാണ് ഇവിടെ പ്രശ്നം.  'അമ്മ അത്തരമൊരു ബന്ധത്തിന് മുതിർന്നില്ലായിരുന്നുവെങ്കിൽ ആ മകൾക്ക് ഇത് സംഭവിക്കില്ലായിരുന്നു .  എങ്ങനെ ഇത് ഇത്തരത്തിൽ മാത്രമായി നമുക്ക് വായിച്ചെടുക്കുവാൻ കഴിയുന്നു എന്നത് അത്ഭുതമാണ് .  അമ്മയുമായി ബന്ധം ഉണ്ടായാലും ഇല്ലെങ്കിലും കുട്ടിയെ ലൈംഗികമായി ദുരുപയോഗം ചെയ്ത ആ പുരുഷൻ സമൂഹത്തിൽ തന്നെയുണ്ട് .  ഈ സാഹചര്യത്തിൽ അല്ലെങ്കിൽ മറ്റൊരു സാഹചര്യത്തിൽ അയാൾ ഇത് തന്നെ...
Read more